梁詠琪(GiGi)、李心潔、楊采妮以及許茹芸所成立嘅「小黃花慈善教育基金」,今個暑假為來自低收入家庭小朋友,免費開辦「兒童英語唱遊班」,希望透過音樂,讓小朋友學更多英文。

近日被爆有喜嘅GiGi,與拍攝緊HKTV新劇嘅李心潔,早前抽空到其中一個位於東涌嘅受惠機構,了解小朋友嘅上堂情況,GiGi表示:「0依家市面上雖
然好多playgroup課程,但學費唔係個個負擔得起,尤其係呢班來自低收入家庭嘅小朋友,所以希望搞啲免費課程,俾佢哋學英文,過一個開心暑假。」

至於心潔則透露,今個暑假「小黃花」除咗舉辦英語唱遊班外,仲會邀請200幾位小朋友同家長,到戲院欣賞暑期動畫電影,佢話:「其實舊年暑
假我哋都有舉辦『小黃花影院』,免費請班低收入家庭成員,去戲院睇戲,今年會繼續搞。我同GiGi都希望每年搞多啲活動,幫到更多小朋友,亦都係我哋成立『小黃花』嘅目的。」

資料來源: 蘋果日報