在北河街街尾,有一個人不論晴天雨天,總拿着雨遮又開又合,手舞足蹈,「我唔係賣藝,我係賣遮嘅藝術家」。人稱傘王的邱耀威,百年街坊老店新藝城的老闆,賣遮補遮為業,但他自謔是第一代環保手作王:用爛遮骨做隻白紋伊蚊掛在舖面;隨手拿個廁紙筒和廣告傳單做個金魚走馬燈,「舖頭冇地方養魚,我就摺條識飛天嘅魚,唔使換水,魚糧都慳番」。

在深水埗打滾逾半世紀的邱老闆,日日「食咗蓮子蓉咁嘅樣」,「個樣開心啲,運氣都好啲」。蓄大鬍子的威哥笑說。小店驟看與普通賣傘店無異,但招牌寫着「清道光二十二年創」(1842年),威哥正是第五代傳人。「我間舖開足七日,同啲街坊吹吓水,做吓手作補吓遮,唔知幾爽!」
不足百呎的小店總擠滿人,一時有街坊拿着彈弓遮問「有冇得整」;一時又有師奶粉絲行過,向他抱怨豬肉價狂升,「吹」上老半天。好不容易街坊散去,活像老頑童的威哥又拉着記者周街行,逐件介紹其土炮手作,幾乎沒有靜下來的時間。

作品只做一件絕不出售

半生守着小店,選了做風中勁草的威哥,有其一套庶民生活哲學。他自言讀書不多,就是為搵食,做了「哎吔老闆」,一雙巧手都無閒着,有時技癢,拿垃圾做手作,雨傘店成了他的藝術展場:用傘骨屈曲成少女造型的天秤裝飾、掛在店舖面的白紋伊蚊和蜻蜓、還有用宣傳單張摺成的金魚、用奶粉蓋和廢紙造的蛇和雀鳥,以及用廁紙筒和紙金魚做走馬燈,全部就地取材,卻又創意無限。
「有遊客看中我嘅白紋伊蚊,出價200美金,我點都唔賣,我嘅作品只會做一件,藝術家係咁㗎喎!」說時露出招牌笑容,鬍子跟着笑。問他為何經常這樣開心,老頑童這樣答:「藝術人人都要識,我話叫偽術就最啱,做人三分假七分真就好,唔好睇得自己咁重,做人都開心啲。」

地址:九龍深水涉荔枝角道314 B1 地下
營業時間: 星期一至日;8:30 a.m.- 8 p.m.

資料來源: Apple Daily 
圖片來源:  HKGood Store

有關內容可參照: English